Бір досың керек екен. Премьера!

Достарың көп пе,
Апырау неткен жақсы едің? (Мұқағали Мақатаев)

Дөңгеленген дүрмек дүниеде қатар жүріп сырың мен мұңыңды, шыныңды бөлісетін ДОС керек екен-ау…

Қалтарыста қапы қалып, сынақтардан сүрініп, түнектерден түңілген сәтте, сүйенетін дос керек, жалғанда…

Ж.Аймауытов театрында тұсауы кесілетін спектакльде жек көрсе де жауға бермес, өкпелесе де өлімге қимас, жақтырмаса да жарға итермес екі дос туралы болмақ.

Тағдыр тауқыметі араларына сына қаққанмен сын сағатта бір-бірін сатпаған екі достың қызықты да шытырман оқиғасын көруге асығыңыз.

Шын досыңызды ала келіңіз, көрермен!