Қошқар мен Теке (көктемдегі оқиғалары)

Қошқар мен Теке жаңа жылда шырша іздеп саяхаттағаннан кейін, бұл жолы Наурыз мейрамын қалай көңілді тойлауды ойлап орманға шығады. Көктемде аю оянып, аш қарынмен екі қасқырды ұстап алып, оларға: «Маған ет әкеліңдер, әйтпесе бастарыңды жұлып аламын» деп бұйрық береді. Қасқырлар, бұрынғыдай, Қошқар мен Текені қуып, аюға ет апаруға тырысады. Бірақ достық пен адалдықтың жеңісі арқасында, олар татуласып, Наурыз көже әкеліп, бәрі бірге қуанады.

Қойылым барысында әртістер балалармен интерактивті түрде байланыс орнатып, олардан Наурыз көже жасаудың рецептісін сұрайды. Сахна соңында Қыдыр ата көрермендерге береке-бақыт тілеп, батасын береді. Ертегінің моралі: достық әрқашан жеңеді, бір-бірімізге адал болып, кешірім жасау, достықты бағалау маңызды.