Турандот ханшайым

Тәкаппар және қатыгез Турандот ханшайым жер бетіндегі барлық еркек атаулының өкілдерін сатқындар, өтірікшілер жалпы махаббатқа қабілетсіз жаратылыстар деп есептейді. Бірақ, күйеу жігіттер сапқа тізіліп, үміттерін үзбейді. Қолын сұрап келген ханзадалар Турандот жасырған үш жұмбақты шешсе ғана ханшайымның жары болуға рұқсат етіледі, ал, егерде жұмбақтың жауабын таппаса өлім жазасына кесіледі. Осылайша, хан ордасы қан сасып, кесілген басқа толады. Сонда да өлімнен қорықпаған Ханзада Калаф «Не Турандот, не өлім екеуінің бірі» деп батыл шешім қабылдап, хан ордасына бағын сынауға келеді...