Әсел Рақымжанның Сезім толқыны Алматы қаласында

МӘҢГІЛІК КЛАССИКА ҚОБЫЗДЫҢ ҒАЖАЙЫП ҮНІМЕН

Қобыз бейне ұлттық мәдениет пен тарихты жеткізіп, әлемдік өркениеттердібайланыстырып тұрған Жібек жолы, алтын көпір іспетті.

Құрманғазы оркестрінің Концерттік залы Сіздерді ғажайып кештің куәсі болуға шақырады. Кеште әлемдік классика қазақтың ұлттық музыкасымен үйлесімді астасып, сізді ерекше күйге бөлейді. Сізді қобызшы Әсел Рақымжанның «Сезім толқыны» атты жеке концертін көруге шақырамыз.

Әсел Рақымжан Халықаралық және Республикалық конкурстардың лауреаты, Құрманғазы атындағы Қазақ ұлттық консерваториясының аға оқытушысы, өнертану ғылымдарың магистрі, Құрманғазы атындағы Қазақ ұлттық халық аспаптар оркестрінің концертмейстрі.

Ерекше талант пен дарын иесі Әселкөрермендерге әлемдік классиканың шедеврлерін қазақ қобызымен орындайды. Аспаптың сиқырлы үні және орындаушының шеберлігі көрермендерге Н. Паганини, А. Дворжак, Ж. Массне, К. Сен-Санс, А. Пьяццолла, А.Хачатурянның және қазақ музыка жауһарлары Қорқыт, Аққыз, Е.Брусиловский, Е.Үсеновтің және басқа да композиторлардың шығармаларын ұсынады.

Осынау ғажайып музыкалық әлемнің ішінде көрерменге жаңа премьералар мен сахналық көріністер ұсынылады. Музыкалық кеште халықаралық аренада танымал әртістер, виртуоз музыканттар Ғалымжан Нарымбетов (баян), Нұрсұлтан Омарғазин (рояль), Асан Нарбутаев (гитара), Асель Алина (домбыра), Бақыт Мурзабекова (жетіген), Абай атындағы Қазақ ұлттық Опера және балет театрының жетекші әртістері Гүлнұр Амангелдиева, Ақыл Жуас, опера және балет театрының жетекші солисі Мадина Ерланова, хореграф қазақ би образдарының шебері Жанель Уланова және жас дарын Айзере Сапарбек (қобыз) өнер көрсетеді.

Театр режиссері Камиля Сабитова өзінің ерекше эмоциональді хореграфиялық көріністерін ұсынады.

Бұл кеште Құрманғазы атындағы Қазақ ұлттық халық аспаптары оркестрі әр номерде жаңа қырынан көрінеді. Дирижердің сиқырлы таяқшасының алғашқы серпінінен көрермен ғажайып әлемге енеді, Дирижерлік пультте Қазақ ұлттық халық аспаптар оркестрінің Бас дирижері, «Дарын» жастар сыйлығының иегері, қайталанбас Абылай Тлепберген.

Қобыз үні сізді ғажайып сезімге бөлейді, қиял мен шындық алмасып, музыка жүрек үніне, сезім толқынына айналады.

Жан тебірентер қобыз үні сіздерге мәңгілік музыканың құдіретін сезіндіреді. Кештің куәсі болып, бізбен бірге болыңыздар!