ҚАЗАҚКОНЦЕРТ ЖҰЛДЫЗДАРЫНЫҢ «ҚОСАМЫН ӘНГЕ АТЫҢДЫ» КОНЦЕРТІ

Сіздерді Қазақконцерт жұлдыздары елімізде бұрын-соңды болмаған ерекше форматтағы концертке шақырады! Бұл кеште әуезді ән де, әсем би де болмақ!

«Қосамын әнге атыңды» бірегей интерактивті концертінде көрермен Қазақконцерт әртістерімен бірге сүйікті әндерін шырқап қана қоймай, өнерпаздарға өздерінің толғандырған сұрақтарын қоя алады. Ерекше әрі қызықты сұрақтың иесіне сыйлығымыз бар.

Алматының әдемі кешін Алтынбек Қоразбаев, Роза Рымбаева, Мақпал Жүнісова, Айжан Нұрмағамбетова, Жеңіс Ысқақова, Сүлеймен Ибрагимов, Жанна Орынбасарова, Дильназ Ахмадиева, Перизат Омарбекова, Марал Анарбек, Бибігүл Қилымхан, Райым Уайыс, Мади Рымбаев, Ербол Нариманұлы, Сая Махамбет секілді Қазақконцерттің жұлдыздары және «Азия», «Меломен» топтарымен өткізуге асығыңыздар.

Концерт ұмытылмас атмосфера сыйлайтын Live Band-тың толық сүйемелдеуімен өтеді.

Бұрын-соңды болмаған ерекше кештің куәсі болыңыздар!