«АЛДАР КӨСЕ» хореографиялық спектаклі

«АЛДАР КӨСЕ» хореографиялық спектаклі

Астана қаласы әкімдігінің «Наз» мемлекеттік би театры МКҚК-ның 25 жылдық мерейтойына арнап «Алдар Көсе» хореографиялық спектаклін көрермен Назарына ұсынады.

«Алдар көсе» бейнесі қазақ ауыз әдебиетіндегі бәрімізге таныс образ. Спектакльде Алдар көсенің бастан кешкен оқиғалары, сараң байдың қуылығы мен жамандығы әшкере болады. Сондай-ақ, қойылымда ғашықтар оқиғасы да қалыс қалмайды. Елентай мен Айсұлу үшін де бірге қуанып, бірге мұңданасыз. Театрдың басты ұстанымдарының бірі - қазақ фольклоры мен этнографиясын насихаттау болса, қойылымда қазақтың тұрмыс-салт жырлары, дәстүрлері де көрініс табады.