«АҚҚУ КӨЛІ» лекция-концерті

Сіздерді «Аққу көлі» лекция-концертіне шақырамыз. Бұл кеште Петр Ильич Чайковскийдің әйгілі шығармасының терең мәні мен көп қырлығын ашатын боламыз. Сондай-ақ, музыка, балет және тарих әлеміне саяхат жасауға, лекция-концерт пен талқылауды біріктіретін тамаша мүмкіндік ұсынамыз.

Шара үш бөлімнен тұрады, олардың әрқайсысы көрермендердің жалпы түсінігін кеңейтіп, тереңдетеді.

Жобаның авторы және жүргізушісі Таир Каримов П. Чайковскийдің алғашқы қадамдарынан бастап оның жеңісіне дейін, шабыт пен шығармашылықтағы қиындықтарды көрсете отырып, «Аққу көлі» композициясының тарихын баяндайды. Музыкалық кеште сіздер оның айналасындағы адамдар, шығарманың дүниеге келуіне ықпал еткен тұлғалар мен музыкада із қалдырған маңызды оқиғалар туралы ақпарат аласыздар. Бұл концерт таныс музыканы жаңа қырынан қарауға мүмкіндік беретін көпшілікке таныс емес деректер мен мәліметтерді ұсынады.

Концерттің екінші бөлімі музыка мен визуалды әсемдіктің синтезі. Қазақ мемлекеттік симфониялық оркестрінің сүйемелдеуімен Мэтью Борн, Патрис Барт және басқа да әлемге әйгілі хореографтардың қойылымдарынан бейнеүзінділер тамашалай аласыздар. «Аққу көлі» шығармасының әр кезеңдегі алуан түрлі интерпретацияларын, сахна безендіруі мен сюжеттегі өзгерістер және классикалық музыкадағы жаңашылдықты жан-жақты бейнеленеді.

Кеште Қазақстанның халық әртісі Ерболат Ахмедияров дирижерлік етеді.

Қорытынды бөлім ашық талқылау, мұнда көрермендер шақырылған спикерлерге сұрақтар қойып, пікір алмасуға мүмкіндік алады. Көп жылдық тәжірибесі бар балет өнерінің өкілдері қойылымдардың, хореографияның мәліметтерін және интерпретациялардың ерекшеліктерін ашады.

«Аққу көлі» лекция-концерті әлемге әйгілі шығарманың тарихы мен жаһандық мәдениетке әсері туралы толығырақ біліп, оны мүлде жаңа қырынан тануға керемет мүмкіндік.

Чайковскийдің мәңгілік мұрасымен жанды музыка мен әсерлі әңгімелер арқылы танысыңыз!