«ҰЛЫЛАРҒА ТАҒЗЫМ» КОНЦЕРТІ

Қазақконцерттің «Халық қазынасы» ұлттық өнер орталығы өнері мен шығармашылығы қазақ руханиятының қазынасына айналған тұлғаларға арналған «Ұлыларға тағзым» концертіне шақырады.

Қазақ мәдениетінің көрнекті өкілдерінің есімдерін ұлықтауға, шығармашылығын жаңа қырынан дәріптеуге бағытталған «Ұлыларға тағзым» жобасы биыл Жүсіпбек Елебеков, Ғарифолла Құрманғалиев, Рүстембек Омаров, Жәнібек Кәрменов сынды тұлғалардың мерейтойларының аясында жалғасын таппақ.

Концертке Қазақстанның еңбек сіңірген қайраткерлері Құмарбек Қалқатай, Елмұра Жаңаберген, Медет Салықов, Клара Төленбаева, Айгүл Елшібаева, Ардақ Балажанова, Айзат Қарабекова, мәдениет қайраткерлері Толғанбай Сембаев, Еділ Басығараев, Ерболат Шалдыбеков, Қайрат Айтбаев, Мәдениет саласының үздігі Перизат Тұрарова, «Дарын» жастар сыйлығының лауреаттары Асқар Мұқият және Ардақ Елеусіз, халықаралық байқаулардың лауреаттары Дінисламбек Жайлаубай, Біржан Айтахмет, Дарын Құдайберген, Дария Бекпенбетова қатысады.

Рухани кемелденіп, ерекше әсер сыйлайтын әдемі кештен қапы қалмаңыз, көрермен!