ticketon logoticketon logoticketon logoticketon logoticketon logo
Тазалау
Бас тарту
Іздеу
Екібастұз
ticketon cabinet
Кіру
ТілҚаз
контакты
АҚ КЕРБЕЗ

АҚ КЕРБЕЗ

Сипаттама

2025 жылдың 19 сәуірінде сағат 17:00-де Астана қаласы әкімдігінің Еркеғали Рахмадиев атындағы Мемлекеттік академиялық филармониясының концерт залында «Халық әні» бөлімінің әншісі, республикалық байқаулардың лауреаты Зинат Қасымованың «Ақ кербез» атты жеке концертін ұсынады.

Қазақтың дәстүрлі ән өнері ғасырлар бойы халықтың жүрегінен шыққан сырлы саз, өлмес мұра. Бұл өнердің дамуына үлес қосып жүрген жас таланттардың бірі Зинат Қасымова.

Зинат Қуандыққызы Қасымова дәстүрлі ән өнерінің жас дарындарының бірі. Батыс Қазақстан облысы, Ақжайық ауданында дүниеге келген. 2016 жылы М.Өтемісұлы атындағы Батыс Қазақстан университетінің музыкалық факультетін тәмамдап, Қазақ ұлттық өнер университетінде магистратураны «дәстүрлі ән салу» мамандығы бойынша аяқтады. 2017 жылдан бері Астана қаласы әкімдігінің Еркеғали Рахмадиев атындағы Мемлекеттік академиялық филармониясында қызмет атқарып келеді. Ол бірнеше республикалық және халықаралық байқаулардың жүлдегері, оның ішінде:

• 2017 жылы Мұхит Мералыұлы атындағы республикалық дәстүрлі әншілер байқауының III орын лауреаты;

• 2018 жылы Қаламқас Орашева атындағы «Көмейінде күміс жыр» республикалық әнші-термешілер байқауында Көшерғали Макаров атындағы арнайы жүлде иегері.

Әуезді кеш барысында халқымыздың бай музыкалық мұрасынан сыр шертетін дәстүрлі ән өнерінің жауһарлары шырқалады. Сонымен қатар, Ақан сері, Біржан сал, Мұхит, Дәулеткерей, Ғарифолла Құрманғалиев сынды өнер саңлақтарының өлмес туындылары көрерменге тарту етіліп, қазақтың классикалық әндерінің інжу-маржандары орындалады.

Концертте «Шалқыма» халық би ансамблі мен «Қорқыт» этно ансамблі де өз өнерлерін ортаға салады. «Шалқыма» би ұжымы қазақтың ұлттық би өнерінің көркемдігін паш етсе, «Қорқыт» ансамблі дәстүрлі музыка мен этникалық әуендерді үйлестіре отырып, кештің көркемдік деңгейін арттыра түседі. Бұл қос ұжымның өнері концерттік бағдарламаны әрлендіріп, ұлттық мұрамыздың тереңдігін сезінуге мүмкіндік береді.

Кеш қонақтары қатарында ҚР еңбек сіңірген қайраткері, белгілі дәстүрлі әнші Айгүл Қосанова, сондай-ақ республикалық байқаулардың лауреаттары Өзгеріс Шерікбай, Айдос Оңғарбай, Алуа Қалымбекова және Нұржан Мейірхан бар. Олардың өнері кештің көркін қыздырып, көрермендерге ерекше рухани әсер сыйлайды.

Бұл кеш тек өнер сүйер қауым үшін ғана емес, ұлттық мұраға қызығушылығы бар әрбір адам үшін ерекше рухани азық болмақ.

Толық оқыңыз
  • Өтетін орны

    Астана қ., Мемлекеттік академиялық филармонияның концерт залы. Е. Рахмадиева

  • Күні

    19 сәуір 2025 жыл

  • Басталуы

    17: 00

  • Ұзақтығы

    1 сағат 20 минут

  • Жас шектеуі

    7+

Freedom Bank клиенттеріне 17%-ға дейін кэшбэкFreedom Bank клиенттеріне 17%-ға дейін кэшбэк
Freedom Bank клиенттеріне 17%-ға дейін кэшбэк

Бөлісу:

Кесте
  • Күні
    Өту орыны
    Аймақ
    Ересектерге
    Балаларға
  • 19
    Сәуір
    Сенб
    Е. Рахмадиев атындағы Мемлекеттік академиялық филармонияның концерт залы
    Зал
    бастап 3000
    бастап 3000