ГАЛА-ОПЕРА «Джакомо Пуччиниге арнау»

ГАЛА-ОПЕРА

«Джакомо Пуччиниге арнау»

(Италияның Қазақстандағы елшілігімен бірге)

Ұзақтығы 1 сағат 30 минут (үзіліссіз)

Жас шектеуі 10+ екендігіне назар аударуды сұраймыз

Дирекция орындаушыларды ауыстыру құқығын өзіне қалдырады

Дж.Пуччини музыкасының тамаша білгірі танымал италиялық дирижер Джузеппе Акуавива әйгілі италиялық композитордың өмірден өткеніне 100 жыл толуына орай Гала-опера ұсынады.

Опера труппасының жетекші солистерімен бірге сахнада Италияның опера әншілері Марина Медичи, Раффаэле Абете, қазақстандық сопрано Мария Мудряк, сондай-ақ «Астана Опера» театрының хоры мен симфониялық оркестрі өнер көрсетеді.

Концерт бағдарламасында ұлы композитордың ариялары, дуэттері және сирек орындалатын жауһарларынан көріністер шырқалады. Әртістер мен көрермен қауым Пуччиниді жаңа қырынан ашпақ.

Театр афишасында Джакомо Пуччинидің мұрасы «Богема», «Тоска», «Мадам Баттерфляй» және «Турандот» опералары арқылы ұсынылған. Алайда композитордың танымалдығы кем түспейтін туындылары да бар, солардың қатарында, мысалы, атақты бір актілі опералар триптихі: «Плащ», «Анжелика әпке» және «Джанни Скикки», сондай-ақ «Виллисалар», «Эдгар», «Манон Леско», «Батыстан келген қыз».

Джакомо Пуччинидің тұтас шығармашылығы италиялық опера өнерінің ең жоғары жетістігі болып саналады. Оның опералары әуен байлығымен, ойнақы оркестрлік бояуларымен және акустикалық әсерлерімен таңғалдырады, ал ең бастысы Пуччини туындыларының музыкалық тілін демократизм мен экспрессия ерекшелейді. Бұған «Джакомо Пуччиниге арнау» концертіне келген тыңдармандар көз жеткізбек.

ОРЫНДАУШЫЛАР:

Концерт қонақтары:

Марина МЕДИЧИ (сопрано, Италия)

Раффаэле АБЕТЕ (тенор, Италия)

Мария МУДРЯК (сопрано, Италия)

«Астана Опера» солистері, хоры және симфониялық оркестрі

Дирижер Джузеппе АКУАВИВА

«Астана Опера» МОБТ-дан сатып алынған билеттер спектакльдің өткізілмеуі немесе басқа күнге ауыстырылуы кезінде ғана айырбасталуға және қайтарылуға тиіс. Өзге жағдайларда қайтару мен айырбастау жүргізілмейді.