Метранпаж деген не?

Орталықтан шеткері жатқан шағын қалашықтың аядай ғана қонақ үйінің әкімшісі Калошиннің басынан кешкен күлкілі әрі аянышты оқиғасы спектакльге негіз болады. Қонақ үйге орналасқан Мәскеулік мейман Потапов - футбол десе, ішкен асын жерге қоятын адам. Футбол ойынын көрмекші болып, бөлмедегі теледидарын қосса ол істемейді екен. Жанұшырған футбол жанкүйері есігі ашық тұрған көрші бөлмеге кірсе, ондағы теледидар жап-жақсы көрсетіп тұр екен. Ойынның қызығына молынан батып, рахаттанып отырған бейтаныс кісіні өз бөлмесіне оралған Виктория көріп, аң-таң болады... Комедия көрерменді күлдіре отырып, адамның сай-сүйегін сырқырататын сөздермен санаңды сансыратады.