«Бақыттылар баяны» музыкалық спектаклі

9 жыл бойы лық толы зал жинап, көрермендерді тәнті етіп келе жатқан Stages музыкалық театрының хит спектаклі қайта оралмақ. Биыл - тек қана бір көрсетілім. Бұрын-соңды тамашаламаған көрермендеріміз үшін айтулы мүмкіндік, қойылымды қайта көруді аңсап жүрген қонақтарымыз үшін тамаша сыйлық.

«Бақыттылар баяны» - Эдит Пиаф (Айсулу Азимбаева) және Фрэнк Синатра (Шыңғыс Қапин) секілді ұлы әртістердің хикаясы. Олар ешқашан кездеспесе де, тағдырлас келген әртістердің өлеңдері де ұқсас. Қойылымда олардың лебізді дауыстары бір сарында шырқалып, әуендермен ұштасып, көрермен залын өмірге деген махаббатқа, құштарлыққа, арпалыстар мен белестерге жеткізгендей болады.

Жанды дыбыс, джаз сиқыры мен екі джаз алыптарының өшпес музыкасы. Пиаф пен Синатра хиттері жаңа қырынан ашылып, олардың өмір тағдырымен қайта танысуға баурайды.

Қоюшы-режиссер: Галина Пьянова
Басты рөлдерде: Шыңғыс Қапин, Айсұлу Азимбаева

Вокалдық партиялар: Ирена Аравина, Алексей Тимофеев

Аспаптарда ойнайтын: Jazz House тобы

Назар аударыңыздар! Билеттер айырбасталмайды және қайтарылмайды.