Тәуелсіздер

Режиссер Олег Федоренконың қойылымындағы «Тәуелсіздер» деректі драмасы зарарлы тәуелділіктің арбауына түскен замандастарымыздың ауыр тағдыры туралы сыр шертеді. Қоршаған ортадан, өмірдің арпалысынан бас сауғалатып, тыныштық табамын деп сұмдық қатерге тап болған алты жанның өзін-өзі құтқару жолындағы ашынған тартысы, жарқын өмірді қайтару үшін күресінің аянышты оқиғасы сомдалмақ.

Көрермендермен жан сырларын қопаратын, өзінің қорқынышты да ащы шындығымен таңғалдыратын диалог бір шаңырақ астындағы қарым-қатынас, рухани құндылықтар мен ой-сана мәселелерін көтеріп, өз құндылықтарымызды қайта қарастыруға итермелейді.

Шынайы оқиғаларға негізделген қойылым. Барлық кейіпкерлер мен оқиға орындары ойдан шығарылған.

Қойылым «Астана - есірткісіз қала» бағдарламасы аясында жасалған. Жастар мен олардың ата-аналарының көрсетіліміне ұсынылады.