Концерт-спектакль «Пернедегі сыр»

Өтетін орны: Құрманғазы атындағы Қазақ ұлттық халық аспаптар оркестрінің концерт залы, Абылай хан даңғылы, 83

Күні: 28 наурыз, 2025 жыл

Басталуы: 19: 00

Жас шектеуі:

«ПЕРНЕДЕГІ СЫР» концерт-спектаклі

28 наурыз күні сағат 19:00-де Құрманғазы атындағы Қазақ ұлттық халық аспаптар оркестрінің кәсіби күйші-домбырашылары «Пернедегі сыр» концерт-спектаклін ұсынады. Кеште дәстүрлі күй мен ән өнерінің үздік туындылары орындалады. Кеш қонақтары жыршы Елдос Еміл және дәстүрлі әнші Эльза Қарабалина.

«Пернедегі сыр» - Ұлттық оркестрдің домбырашылар тобы ұсынған Құрманғазы күйлерінен тұратын ерекше концерт-спектаклі. Бағдарламада күйші Құрманғазы Сағырбайұлының тарихи туындылары ұлттық домбыра аспабының әуендері арқылы жаңаша түрдегі көркемдік қуатпен жеткізіледі.

Концерт-спектакльде домбырашылар тобы Құрманғазы күйлері мен рухани әлемін сахнада көркем бейнелейді. Әрбір күй тыңдаушыға оның ішкі сырын, болмысын сезіндіру арқылы қазақтың музыкалық мәдениетінің тереңдігін паш етеді. Қойылымда көркемдік және музыкалық тұрғыдан жоғары деңгейде орындалған күйлер, сахнадағы жарық, бейнемазмұндар мен әдемі көріністер көрерменді Құрманғазының әлеміне енуге мүмкіндік береді.

«Пернедегі сыр» қазақтың күй өнерін жаңа көзқараспен танытып, оған деген құрмет пен сүйіспеншілікті арттыруға бағытталған шығармашылық жобалардың бірі.

Барлық көрерменді Ұлттық оркестрдің жаңа жобасында күтеміз!

Билеттер тикетон сайтында! Бізге бірге болыңыздар!