Құдай соқыр емес! Премьера!

Авторы: Бауыржан Игілік

Жанр: драма

Жетімдік қашып құтыла алмас жалғыздық... Ал, оның үстіне мынау жарық дүниенің дидарын көре алмасаң ол нағыз қасірет...

Шығарма шынайы өмірде болған оқиға желісімен жазылған. Басты кейіпкер Қайрат та қазіргі уакытта бар тұлға. Қойылым мақсаты да үстіміздегі заманда, көз алдымыздағы қоғамда жайшылықта адам көзі байқай бермейтін құбылыстарды, астыртын жасалып жатқан қиянаттар мен жең ұшынан жалғасып жатқан зұлым пиғылдардың бетін ашу, адами құндылықтарды арзан саудаға айналдырған адамдарды әшкере ету. Басты кейіпкердің туғаннан басынан өткен ауыр оқиғаларды қажырлы қарсы алғанының арқасында тағдырдың тосын бір тартуына ие болуын көрсету арқылы «Құдай көмектессе пенденің алмайтын қамалы жоқтығын» жеткізу. Құлағымыз үйреніп, көзіміз дағдыланып қалған жаман хабарлар мен қарау ниеттердің де арасында күндей жарық, шықтай таза адамдардың бар екенін дәлелдеу және қамшыдай қысқа, тамшыдай нәзік өмірді сүюге үндеу.