Әзәзіл ақша. Тұсаукесер!

Қарапайым ағылшын қызметкері туған күнінде қателесіп бөтен адамның ақшасымен толтырылған шабаданын үйіне алып келеді. Әйелі қонақтарды күтуде, ал өзі қашуға дайындалуда, өйткені кез келген сәтте мафия келе қалуы мүмкін. Оқиғаға екі полиция инспекторы, бопсалаушы мен адал қызметкер араласады. Достары да жетіп, оқиғалар одан сайын шиеленіседі. Ақыры, шабаданның иесі де табылады. Ақша адамды азғырып, тіпті ең адал адамдардың да ар-ожданына сын болуы мүмкін екені бұрыннан белгілі. Ал егер бұл ақша қарапайым, ешқашан байлықтың дәмін татпаған адамдарға кенеттен бұйырса ше? Мұндай жағдайдың немен аяқталатынын болжау қиын. Бөтен ақшаны алып, кенеттен бай болу керек пе, әлде кедей қалсаң да адал болып қалу керек пе? Бұл - ең басты сұрақ. Бірақ біздің кейіпкерлер бұл мәселені қалай шешеді? Асығып болжамаңыз - бәрі ойлағаннан да күрделірек!