Сильфида (AstanaOpera)

Герман Левенскольд

«Сильфида»

2 бөлімді балет

Либреттосы Адольф Нурри

Хореографиясы Август Бурнонвиль (1836), Эльза-Марианна фон Розеннің редакциясында

Жаңартылған нұсқа

ҚОЙЫЛЫМДЫҚ ТОП

Қоюшы балетмейстер Алтынай Асылмұратова, Ресейдің халық әртісі, «Астана Опера» театры балет труппасының көркемдік жетекшісі

Қоюшы дирижер Арман Оразғалиев

Декорациялар мен костюмдер бойынша суретші Вячеслав Окунев, Ресейдің халық суретшісі, ҚР Мемлекеттік сыйлығының лауреаты

Жарық бойынша суретші Сергей Шевченко

Қоюшы балетмейстердің көмекшілері Константин Заклинский, Ресейдің халық әртісі / Елена Шерстнева

Қоюшы дирижердің ассистенті Элмар Бөрібаев

Қоюшы сценографтың көмекшісі Малика Төлегенова

Костюмдер бойынша суретшінің көмекшісі Дариға Тайшықова

Жарық бойынша суретшінің көмекшісі Михаил Епанчин

«Сильфида» бізге жеткен ең көне хореографиялық спектакль, романтикалық балеттің тұңғышы. Сюжетке сценарист Адольф Нурри айтарлықтай қайта құрған Шарль Нодьенің «Трильби, или Аргальский домовой» («Трильби, немесе Аргальдық үй әулиесі») фантастикалық хикаяты негіз болған. Музыкасын Жан Шнейцхоффер жазған.

Балетті 1832 жылы Париждегі Гранд-операда хореограф Филипп Таглиони өзінің қызы Марияға арнап қойған, оған сүйсінген замандастары: «Ол билемейді, Паганинидің скрипкасы сияқты ән салады», - деген. Ауа бикешінің бейнесін кейіптеуге асыл әрі қол жетпейтін арманға деген ұмтылысы балеринаны тарихта алғаш рет пуантаға тұруға мәжбүр еткен деп саналады. Яғни біз бүгінде білетін балет өнерін дәл осы «Сельфида» тудырған.

Төрт жылдан кейін дат Август Бурнонвиль музыка мен хореографиясын алмастырса да, оқиға желісін өзгеріссіз қалдыра отырып, Копенгагенде өз нұсқасын қойды: сильфиданың арбауына түскен шаруа Джеймс қалыңдығын күйініште қалдырып, орманға кетеді. Джеймстің қанатты періні ұстамаққа қолданған шарфы улы еді сильфиданың қанаттары қайырылып, қаза табады. Бурнонвильдің «Сильфидасы», Тальонидің ұмыт болған балетіне қарағанда, Дания корольдік балетінің сахнасынан түскен жоқ, сол себепті де тамаша қалпында сақталды.

«Сильфиданың» балет өнерінің талғампаздарына арналған спектакль атануы тегін емес. Сән-салтанаты келіскен хореографиялық суреттен бастап жұпынылығымен таңдай қақтырар костюмдер барлығы тәнті етеді, эстетикалық ләззат сыйлайды. Ал ғажайып көріністер мен ақиқат алмаса өрілген қызықты сюжет және таңдау алдында тұрған бас кейіпкердің тебіреністері балетті осы өнерден хабары аз көрермен үшін де қарапайым әрі түсінікті етеді.

«АСТАНА ОПЕРА» ТЕАТРЫНЫҢ БАЛЕТ ӘРТІСТЕРІ ЖӘНЕ СИМФОНИЯЛЫҚ ОРКЕСТРІ