Дарындар үндестігі

«Жастық пен шабыт» топтамасы

«Дарындар үндестігі» концерті

КОНЦЕРТ ҚАЗАҚ ЖӘНЕ ОРЫС ТІЛДЕРІНДЕ ӨТЕДІ

Ұзақтығы 1 сағат 30 минут

Жас шектеуі 10+ екендігіне назар аударуды сұраймыз

Дирекция орындаушылар мен орындалатын шығармаларды ауыстыру құқығын өзіне қалдырады

Жас дарындарды қолдауға бағытталған «Жастық пен шабыт» топтамасының концерттері өнер жолына жаңа аяқ басқан музыканттар үшін әлдеқашан танымалдыққа ие. Олар әртістердің өздерін паш етуіне жол ашып, көрермендерге талғамы биік классика мен шабыт сыйлар шығармашылық атмосферасынан ләззат алуға мүмкіндік береді.

«Астана Опера» театрының Камералық залы сахнасында көпшілігі халықаралық байқаулардың лауреаттары болып үлгерген әрі Қазақстанды шетелге лайықты таныстырып жүрген вокалистер мен аспапшы музыканттар өнер көрсетеді.

«Дарындар үндестігі» концертіне халықаралық және республикалық байқаулардың лауреаттары халықаралық опера академияларының түлектері және Күләш Байсейітова атындағы Қазақ ұлттық өнер университетінің вокалдық өнер кафедрасының студенттері (Қазақстанның еңбек сіңірген қайраткері профессор Т.М.Мұсабаев пен Б.М.Мұсабаеваның класы) қатысады.

ОРЫНДАУШЫЛАР:

Республикалық және халықаралық байқаулардың лауреаттары

Айбек ХАЙРУЛЛА, Regio di Parma театры Опера академиясының түлегі (Италия), (баритон)

Нұрсұлтан ӘНУАРБЕК, ASTANA OPERA Халықаралық опера академиясының түлегі (тенор)

Бекұлан ЕРБОЛАТҰЛЫ, ASTANA OPERA Халықаралық опера академиясының түлегі (баритон)

Ақнұр ҚАБИТОВА (сопрано)

Жаннұр БЕРДІБЕКОВА (сопрано)

Дарын БИСАРИНОВ (бас)

Концертмейстер Салтанат АҚБАСОВА

Бағдарламада В.А.Моцарт, Дж.Россини, Г.Доницетти, Дж.Верди, Дж.Пуччини, Л.Делиб, Н.Римский-Корсаковтың операларынан ариялар мен сахналық көріністер шырқалады.