«Жалқаудың ағзасы»

Пьесаның басты кейіпкері - күні бойы төсектен тұрмай, зиянды тамақ жеген Вовка есімді жалқау әрі ашқарақ бала. Ол таза ауада серуендеудің, тіс тазалаудың, зиянды тағамдардан бас тартудың маңыздылығы туралы кеңестерге құлақ аспапты. Ақырында оның ағзасы зақымданып, көмекке мұқтаж бола бастапты. Әлдебір сиқырдың әсерінен Вовка өз ағзасына түсіп, өзінің сырқаттанып қалған жүрегін, асқазанын және диабет атты сұмдық ауруды кездестіреді екен. Көрген дүниесінен қатты әсер алған бала өз өмірін өз қолына алып, салауатты өмір салтын бастауға бел буады, себебі «денсаулық - зор байлық» емес пе!