«Толық адам. Ой толғау. Хәкім Абай»

КОНЦЕРТ ҚАЗАҚ ТІЛІНДЕ ӨТЕДІ

Ұзақтығы 1 сағат 20 минут

Жас шектеуі 10+ екендігіне назар аударуды сұраймыз

Дирекция орындаушылар мен орындалатын шығармаларды ауыстыру құқығын өзіне қалдырады

Сирек кездесетін моноопера жанрындағы концертті бір солистке арналған операны Қазақстанның Халық әртісі, ҚР Мемлекеттік сыйлығының лауреаты, «Құрмет» және III дәрежелі «Барыс» ордендерінің кавалері, профессор Шахимардан ӘБІЛОВ ұсынады.

Оның шығармашылық өмірбаянының айрықша арнасы ұлы ақын, философ әрі ағартушы Абайға арналған. А.Жұбанов пен Л.Хамидидің «Абай» операсындағы ұлы ақын бейнесінде 1981 жылы сахнаға алғаш шыққан кезден бастап бүгінгі күнге дейін ол ұлы ақынның шығармаларын орындап қана қоймай, Абай шығармашылығын зерттеумен айналысатын жалғыз әнші. Абай әндері мен романстары енген жеке концерттік бағдарламаларымен Шахимардан Әбілов Мәскеу, Лондон, Парижде, еліміз бен шетелдің басқа қалаларында өнер көрсетті.

Моноопера ариялардан бөлек, Абайдың өлеңдерін, сондай-ақ ақынның сөзіне жазылған қазақстандық композиторлардың романстарын қамтиды.

Концертмейстер Әлияр ӨТЕТІЛЕУ, халықаралық байқаулардың лауреаты

«Астана Опера» МОБТ-дан сатып алынған билеттер спектакльдің өткізілмеуі немесе басқа күнге ауыстырылуы кезінде ғана айырбасталуға және қайтарылуға тиіс. Өзге жағдайларда қайтару мен айырбастау жүргізілмейді.