Көктем ырғағында

«Жастық пен шабыт» топтамасы

«Көктем ырғағында» концерті

КОНЦЕРТ ҚАЗАҚ ЖӘНЕ ОРЫС ТІЛДЕРІНДЕ ӨТЕДІ

Ұзақтығы 1 сағат 30 минут

Жас шектеуі 10+ екендігіне назар аударуды сұраймыз

Дирекция орындаушылар мен орындалатын шығармаларды ауыстыру құқығын өзіне қалдырады

Жас дарындарды қолдауға бағытталған «Жастық пен шабыт» топтамасының концерттері өнер жолына жаңа аяқ басқан музыканттар үшін әлдеқашан танымалдыққа ие. Олар әртістердің өздерін көрсетуіне жол ашып, көрермендерге талғамы биік классика мен шабыт сыйлар шығармашылық атмосферасынан ләззат алуға мүмкіндік береді.

«Көктем ырғағында» концертінде орындаушыларға Камералық зал сахнасында «Астана Опера» Камералық оркестрінің сүйемелдеуімен өнер көрсетуге бірегей мүмкіндік ұсынылуда. Бұл үздік те беделді алаңдардың бірінде өз өнерін паш ету мүмкіндігі ғана емес, сондай-ақ кәсіби музыканттармен әріптестіктің баға жетпес тәжірибесі болмақ. Акустика тұрғысынан жетілген әрі ерекше атмосферасы бар Камералық зал шығармашылық өсу мен ең батыл идеяларды жүзеге асыру үшін мінсіз кеңістікке айналуда.

«Көктем ырғағында» концертіне халықаралық және республикалық байқаулардың лауреаттары Күләш Байсейітова атындағы Қазақ ұлттық өнер университеті мектеп-колледжінің оқушылары қатысады.

Концерттің сан алуан бағдарламасында классик композиторлардың туындылары шырқалады.

БАҒДАРЛАМА:

В.А.Моцарт. Аллегретто

А.Вьетан А. Алябьев. «Бұлбұл»

Ф.Крейслер. А.Корелли тақырыбына варияциялар

Г.Венявский. Жарқын полонез, ре мажор

В.Монти. Чардаш

П.Чайковский. Вальс-скерцо

И.Фролов. Д.Гершвиннің «Порги мен Бесс» операсының тақырыбына арналған концерттік фантазия

ОРЫНДАУШЫЛАР:

Халықаралық байқаулардың лауреаттары:

Дания ӘБІЛХАНОВА

Назархан ӘЛИЕВ

Малика АЛМАТОВА

Сұлтан БАҚТЫБАЕВ

Далер ДАЛИШЕВ

Елдана КӨПБАЙ (скрипка)

Камилла КУЛЬБАЕВА

Рамина САТЫБАЛДЫ (вокал)

Жәмила СҮЛЕЙМЕНОВА

«Астана Опера» камералық оркестрі

Дирижер Руслан БАЙМУРЗИН, «Құрмет» орденінің кавалері

«Астана Опера» МОБТ-дан сатып алынған билеттер спектакльдің өткізілмеуі немесе басқа күнге ауыстырылуы кезінде ғана айырбасталуға және қайтарылуға тиіс. Өзге жағдайларда қайтару мен айырбастау жүргізілмейді.