Жыл мезгілдері. Vivaldi және Piazzolla

Е.Рахмадиев атындағы камералық симфониялық оркестрдің орындауында Антонио Вивальди мен Астор Пьяццолланың «Жыл мезгілдері» атты жеке скрипка мен камералық оркестрге арналған концерті. Солист - Динара Базарбаева-Сахаман. Дирижер - Әбілқайыр Сағымбаев.

Тұтастай музыкалық тұжырымдаманың негізін қалаған және сан түрлі дәуірлердегі композиторларды осындай циклдарға шабыттандырған академиялық музыканың көрнекті концерті. Біздің концертте сіздер Вивальдидің бірегей концертін, сондай-ақ композитор Леонид Десятниковтың скрипка мен камералық оркестрге арналған өңдеуіндегі Астор Пьяццолланың «Буэнос-Айрестегі жыл мезгілдері» концертін тамашалайтын боласыздар.