Кел, Еркем, Алатауыңа

2024 жылдың 24 қаңтарында Құрманғазы атындағы Қазақ ұлттық халық аспаптар оркестрі Халық қаһарманы, Қазақстанның халық артисі, күйші-композитор Нұрғиса Тілендиевтің 100 жылдығына арналған «Кел, еркем, Алатауыңа» мерейтойлық концертін ұсынады.

Бұл кеш Нұрғиса Тілендиевтің ұлы музыкалық мұрасын дәріптейтін ерекше мәдени шара болмақ. Кеште ұлттық оркестрмен бірге Гүлзат Дәуірбаева, Фархат Кубиев, Тахауи Рахметов, Абай Қойшыбаев, Даурен Аляиров өнер көрсетеді. Рухани іс-шарада композитордың үздік шығармалары шырқалады. Оркестрдің бас дирижері Абылай Тілепберген.