«Мистраль» дуэтінің концерті

1983 жылы құрылған «Mistral» дуэті - халықаралық сахнадағы ең беделді музыкалық ұжымдардың бірі. Дуэт құрамында кәсіби шеберлігі жоғары, өнер жолында елеулі жетістіктерге жеткен екі музыкант бар. Олар орындаушылық өнерге деген жаңашыл көзқарасымен және шеберліктерімен ерекшеленеді. 42 жылдан астам шығармашылық жолында бұл дуэт Италия мен өзге де елдердегі беделді театрлар мен фестивальдерде өнер көрсетіп, тыңдарманның ыстық ықыласына бөленіп келеді. Репертуарлары өте кең және үнемі жаңарып отырады: XVIII ғасыр шығармаларынан бастап қазіргі заман музыкасы мен джазға дейін қамтиды. Әсіресе XIX-XX ғасыр композиторларының туындыларына ерекше мән береді. Дуэт үнемі шығармашылық ізденісте.

«Mistral» дуэті - мінсіз үндестіктің үлгісі. Бұл олардың ұзақ жылдар бойы бірге жұмыс істеуінің және жоғары кәсіби дайындығының нәтижесі. Кларнет пен фортепиано үнін үйлестіріп, ерекше әуезділікпен жеткізе білу қабілеті - олардың басты ерекшеліктерінің бірі. Дуэттің соңғы «Там где музыка становится душой» атты альбомында осы шеберлік анық байқалады. Бұл туындыда музыканттар тыңдарманды эмоционалдық саяхатқа жетелейді. Саяхат жеңіл әуендерден басталып, біртіндеп қозғалыс пен би элементтерімен өрілген күрделі музыкалық тілге өтеді. Дуэттің бұл жұмысы - музыканың рухани қуатын тереңнен сезінуге шақыру.