Жарық қуыршақтарының көрінісі. Николай Зыков театры (Мәскеу) Тараз қаласында

Николай (Сергей Образцовтың шөбере інісі) әлемдік сахнада өнер көрсеткен талантты әртіс, Еуропа, Азия, Африка, Солтүстік және Оңтүстік Американың 50-ден астам елінде көрермендерді таңдай қақтырған шебер. Ол 200-ден астам бірегей марионетка, қолғапты, таяқша және эксперименталды қуыршақтар жасап шығарды. Николай 20-дан астам қуыршақ қойылымының авторы, режиссёры, суретшісі және орындаушысы. Оның ерекше шығармашылық жаңашылдығы мен орындаушылық шеберлігі көптеген халықаралық марапаттарға ие болды, соның ішінде УНИМА Қуыршақшылардың Дүниежүзілік Конгресінің жүлделері де бар.

Бұл қойылымда әрбір қуыршақ қайталанбас және ерекше. Ұлы Бах музыкасының биігіне сай болуы үшін, тек өз алдына өнер туындысы болып табылатын бірегей қуыршақтар ғана таңдалды. Көрермендердің көз алдында электролюминесцентті сымдар мен әртүрлі жарықдиодтардан тұратын жарық құрылымдары жасалып, жан бітеді, содан кейін олар сахна мен көрермен залының үстінде жеңіл қалықтап ұшады. Сондай-ақ, бұл қойылымда мүлде жаңа материалдар мен технологиялардың көмегімен жасалған күрделі марионеткалар ұсынылады, олардың қозғалысқа келтірілуі орындаушыдан аса жоғары шеберлікті талап етеді.