The art of «KAZAKH OPERA»

Амангелді Сембин - атақты La Scala театрында өнер көрсеткен алғашқы қазақ

Әнші - 70-жылдардың басында көпұлтты Кеңес Одағының ең үздік вокалистерінің арасынан таңдалып, Италияда тағылымдамадан өткен талант иесі. Кейінгі жылдары А. Сембин Миландағы ең беделді опера сахнасында шақырылған жұлдыз ретінде өнер көрсетті. Оның айрықша жетістіктері мен дарыны әлемдік деңгейде мойындалып, оны опера өнерінің жарқын тұлғаларының қатарына қосты.

Амангелді Сембиннің құрметіне арналған концерттік кеш

Бұл кеште көрермендер Гарифолла Құрманғалиев атындағы облыстық филармонияның әртістері орындайтын опера өнерінің көпқырлылығын тамашалайды.

The art of «KAZAKH OPERA» - сахнада оркестр, хор, хореография мен солистерді бір уақытта көрудің сирек мүмкіндігі. Бұл сәтті жіберіп алмаңыз!

Бағдарлама:

Кеш барысында А. Жұбанов пен Л. Хамидидің «Абай», М. Төлебаевтың «Біржан - Сара», Е. Брусиловскийдің «Қыз Жібек», Б. Жұманиязовтың «Махамбет» сынды әйгілі операларынан таңдаулы ариялар, сондай-ақ қазақ халық әндері шырқалады.