Ауыл әңгімелері

Белгілі орыс жазушысы Василий Шукшиннің алты әңгімелері негізінде сахналанған бұл қойылымды режиссер XX ғасырдың 50-60 жылдары кезеңіндегі қазақ ауылына алып келген. Дін мен діл, мораль мен этика бір бағытта көрініс тапқан, сезім мен сүйіспеншілік, ар мен адамдықтың ара жігін ашуға ұмтылған кейіпкерлердің қым- қуыт тағдыры оқиғалар өрбіген сайын ширыға түседі. Ауыл өмірі мен ауыл тұрғындары қапысыз суреттелген, қазіргі қазақ қоғамындағы отбасылардың өзекті мәселелері қамтылған бұл қойылым, ауылда туып, ауылда түлеген әр көрермен үшін қызық болары сөзсіз.